Sajak Sunda

PEUTING

Uyup ayap                            
poek buta rajin!
Salengkah nece lemah
lunta teuing kamana
nutur-nutur induk suku

Meredong,
unggal usik,unggal malik
kaandeg rereged,
cucuk reumis

Duh, marifat jeng tarekat
kakalicesan...
geuning mangsana
manjing ngaji diri
dzikir ka Illahi Robbi
pikeun babalik pikir...

Batu Hiu

BATU HIU               

Jumegurna ombak
neumbag dada
masing parna,
taya sora
nganaha-naha
bongan saha?!

Awak buligir
bet asa keur budak
kokojayan silih simbeuh
poho waktu,nataku

Dicarek teu ditalek
poe isuk tangtu ...mulang!